2.6 KiB
+++ date = '2024-03-19' draft = false tags = ['bendrėnė rašība'] categories = ['bėndrėnė rašība vagol īpatībės'] title = 'Diel regresīvėnės asimilēcėjės keravuojėma bėndrinie rašībuo' +++
Ta ī kertini telšiškiu puotarmės īpatībė. Anuos atsėsakėn turietumiem bėndrėnė rašība tik palē kretingiškius. Diel bėndrīstės rēktom telšiškiu nanurašītė ė nauduotė i-ė ėr u-o vartaliuojėma.
Ale, ka nabūtom tas kažkāp ėšsėšuokontē, ta linksto i ton, ka rēktom isėvestė dvė ruodbalsė vės tėik.
Kuokės dā nie aiškē (onkstesniam pruojektė bova è ėr ò). Mėslėno, ka turietom rėmtėis E ėr O ruodbalsiem, tik so padailėnėmo, ka ėšsėskėrtom. Dā turietom būtė liousā priēnamas telepuonė ėš karta.
Veizam, kon toram telepuonė.
ę ě ĕ ə ė è é ê ë ē ẹ
œ ő ō ø ö ô õ ò ó ọ
Jau nauduojamas: ę ė ē ō, par skėrtingas: ě ĕ ə œ ő ø õ
Ī so paviedēs i kėrtius, bet natink, nes kėrtē rēšk ėlgė: é ẽ ê ó ô õ
Lėikt kandidatā: è ë ẹ ò ö ọ
Sotompontis so kairėnio kėrtio: è ò
Bluogiesnis pasėrinkėms, jė būs tāp, ka nuoriesas sokėrtioutė žuodi ė kėrtē būs kėtuokėi arba na tuo vėituo. Siekmingā nauduotė onkstesniam pruojektė.
Pvz.: plèkis sòskis tòriejė
So umliautās: ë ö
Žėnont, ka umliautā mėnkštėn tradicėškā, ta bėškioka natink. Dā jė kumet ėi-ī turies bėndra ruodbalsė, ta ta ėrgė būtom ë
Pvz.: plëkis söskis törieje
So taško apatiuo: ẹ ọ
Mondriesnė ruodbalsė - pas susiedus tuokiū nie. Daug kor tašks apatiuo reišk siauriesnė balsė, ta kāp ė tink
Pvz.: plẹkis sọskis tọriejė
Vėsė varijantā reikalaus taisītė jau esamus klavētūras ėšdiestīmus. Ka ẹ ọ atruoda induomiausis, ta dabā testousous ont anū.
PAPĖLDĪMS 2024-04-19
Kelės savaitės bondiaus so ta ẹ,ọ žīmietė regresīvėnė balsiu asimilēcėjė ė kažkāp neso patėnkints rezoltato. Mėslėjo, ka tėisiuog rēk rašītė „i,u“ ė vėsks. Jė -sė-, so-, ož- vėsor vėinuodā rašītė, dā dvėgarsius palėktė platē, ta tū pasiaurėnėmu na tėik daug talėikt. A palaikuot idiejė, ka ėš regresīvėnės asimilēcėjės keravuotė tik -i/ė-,-u/o-, bet dvėgarsius, prīšdieliūs, songrāžas delelītė palėktė platē. Pvz.: koisē - koisīs (na kuisīs), konsnē - konsnis (na kunsnis), kėrvē - kėrvis (na kirvis), pasĖtink, sOtink, Ožpīksti (to). Ar ī prasmie tėik apkarpios dā žīmietė kėtor?