2 KiB
+++ date = '2022-01-03' draft = false tags = ['bėndrėnė rašība'] categories = ['bėndrėnė rašība majedniems ruodbalsiems'] title = 'Telšèškiu i/u' +++
Par apklausa pasimatė ont këk žmuonis nauduo telšèškiu tarmė. Anuos vëna pagrindėniu īpatībiu ī kaitaliuojėms i/ė ėr u/o vagol galūnė. Diel dėdelė skaitlė nauduotoju rēk, ka ė tas būtom atvaizdůta bèndrènie rašībuo.
Tas gal būtė itraukos dā papėlduomas ruodbalsės: è ėr ò, katruom būtom žīmėmas i ėr u telšèškiu, vuo kretingėškē torietom tuoliau skaitītė kap ė ėr o. Pri tuo patė kėlė̄ ėš nuosėniu torietom atėtinkamā atsivaizdůtė: žò̄sis (lt. žąsys) ė to skè̄sti (lt. tu skęsti).
Dā nà vėsks. sienis ė krūzielis prašuos dā vënuos: é: sénis ė krūzélis.
Jė dā megintė soveizietė e/ė kėtėma, ta gal isivestė ê ė gautůs sêki, bet tas par daug apkraun ė skėrtoms tarp e/ė ī mažos, dā prisimėnos, ka latviu kalbuo vės tëk raša e/ē, rēk palėktė e.
Tuoks „pratortėnėms“ ruodbalsiem sokel mėsliu a gero kelio ēnam. Ėš vënuos posės, tas karto so aiškiuom taisīkliem keravuotom žemaitėška īpatībė, bet karto dėrb rašība sodietingesnė. Dā ė vėsas taisīklės nie aiškės. Praďiuo rēk pasibondītė, bet ė tů paťio rēk pamėslītė api strategėjė kāp tor būtė korama bėndrėnė rašība. Rasintās gal sotartė, ka vėsās būdās būtom rašuoma ė,o, vuo vagol tuolésni balsi žmuogos nujaustom kāp rēk ėštartė. Rast tuoks platē nauduojams sienis ė krūzielis galietom tǡp ė rašītës, bet če rēktom dėdésnė žmuoniū isitraukėma ė ka anë pasakītom sava nūmuonė.
PAPĖLDĪTA 2024-12-28
Pasėruoda kėtėms būn nȧ vėn e/ie, ale dā ėr e/ie/ė. Teisingiausē tuokīms garsams būtom parinktė žėnkla: ê. Būtom: sênis, krūzêlis, gerêsni
Jė dėdlē veizietė tu kėtėmus, ta pasiaurėnėmus e/ė galietom žīmietė: ẹ. Būtom: to dẹdi, čẹ, dīdẹlis, gẹrêsni