Žemaiťiu sorašīms 2021
Paskelbė oficēlē sorašīma důmenis. Šėts sorašīms bova vīkduoms apklausuos skvarmuo, ta lëkt daug vëtas interpretacėjē.
Praďiuo, ka prietelē patis toriejė jungtës pri kompioterė ė taisītė sava tautībė. Nȧ vėsi ton̄ imeigė, bet ėš kėtuos posės, ta žemaitē nuoriejė būtė atsižīmiejė̄, ta tas gal konpensůtė.
Apklausti bova 171 tūkst. žmuoniū.
Ėš anū nuruodė tautībės pataisīmus 681 prietelis, katrë nuruodė tǡp:
- žemaitē – 579
- žemgalē – 56
- koršē – 19
- prūsā – 10
- aukštaitē – 8
- dzūkā – 5
- sovalkietē – 4
Ėš vėsa bova sorašīts 2810761 gīventuos.
Ta palē statėstėnė pruopuorcėjė gaunas (skliausteliūs 2011 metu sorašīma důmenis):
- žemaitē – 9517 (2169)
- žemgalē – 920 (-)
- koršē – 312 (3)
- prūsā – 164 (-)
- aukštaitē – 131 (3)
- dzūkā – 82 (9 + 2 juotvingems)
- sovalkietē – 66 (2)
A gal darītė če pruopuorcėjė – klausėms, bet jė nȧbova apklaustė vėsi gīventuojē, ta sakītė, ka 4 kartus somažiejė žemaiťiu ėrgė nȧgal.
PAPĖLDĪTA 2021-12-23
Dā kėtǡp gal skaitliůtė. Apklausa bova sodarīta ėš 2 šmuotu. Kor patis regėstravuos ė statėstėnis tīrėms, kor apklausė pruopuorcingā vėsa Lietova. Tam ontram šmuotė ėš 115 tūkst. apklaustū bova 63 žemaitē… Tuokiuo pruoporcėjuo paskaitliavus ont vėsuos Lietovuos lëkt tik 1534 žmuonis.
PAPĖLDĪTA 2021-12-26
Gavau atsakīma ėš statėstėkas departamėnta, kāp rēk skaitliůtė ont vėsuos Lietovuos.
Nikāp - par mažos sklaitlios apklaustū. Tësiuog ī fakts, ka žemaitēs užsirašė 579 žmuonis. Līgintė so praēto sorašīmo ėrgė nȧgal, nes tėn bova apklausti vėsė žmuonis 🙁